Ең алдымен, өнеркәсіптік қауіпсіздік және еңбекті қорғау жүйесінің ағымдағы жағдайы анықталды, соның нәтижесінде жүйенің әрбір процесінің графикалық үлгілері мен карталары жасалды. Бұдан әрі, біздің кәсіпорынымыз ЕҚжәнеӨҚ жүйесінің жаңа моделін әзірлеп, енгізуге негіз болған мақсаттарды анықтады. Бұл модель құжат айналымын қысқарту, оқиғалардың қауіпті түрлері бойынша тақырыптық тексерулерді енгізу жөніндегі бастамаларды, сондай-ақ тәуекелге бағытталған тәсілге көшуді және осы күнге дейін табысты жұмыс істейтін еңбекті қорғау саласындағы белсенді шараларды қамтиды. Біздің компанияның өнеркәсіптік қауіпсіздік және еңбекті қорғау жүйесін жетілдіруде "DuPont Sustainable Solutions "халықаралық компаниясы үлкен рөл атқарды. Біздің ынтымақтастығымыздың нәтижесінде кәсіпорындарда тәуекелдерді басқарудың тиімді жүйесі енгізілді. 2018 жылдан бастап жарақаттану деңгейін төмендету және тәуекелдерді басқару бойынша бірлескен бағдарлама жұмыс істеп келеді және де қазірдің өзінде айтарлықтай нәтижелер әкелді. Мысалы, ағымдағы сәтте барлық жұмыс операциялары бойынша 2349 фаттық тәуекел анықталған, осындай тәуекелдерді азайтуға бағытталған техникалық және ұйымдастырушылық іс-шаралар әзірленіп, орындалуда. Біз сондай-ақ қызметкерлердің бағдарламаны оқу барысында алған білімдері, бағдарламаның әдістемелерік құралдары, персоналдық тәуекелдерді басқару және қауіпсіздік мәдениетін арттыру бойынша жүйелі жұмысқа оң әсер тигізеді деп күтеміз. Жұмыс орындарындағы тәуекелдердің алдын алу, жабдықтарды жаңғырту және процестерді автоматтандыру жөніндегі жұмыс – тек қана  ЕҚжәнеӨҚ жүйесінің  ең жоғарғы шыңы екенін түсіну қажет. Мәселен, жазатайым оқиғалардың пайда болу себептерін талдауға келсек, олардың тек 25%-ы еңбек жағдайларының сәйкес келмеуінен туындайды, ал қалған 75% – ы- жұмысты орындау кезіндегі адам қателіктеріне байланысты. Қызметкерлердің денсаулығын сақтау, оларға қамқорлық жасау - біздің компания саясатының маңызды бөлігі. Осыған байланысты, сондай-ақ адам қателіктерінің алдын алу үшін шаралар кешені қарастырылған. Регламенттейтін құжаттар жүйесі толық қайта қаралды-атап айтқанда, әрбір операция үшін қызметкерлердің іс-әрекеттері қадамдық және егжей-тегжейлі жазылған жұмыстарды орындау процестерінің карталары әзірленді. Қазіргі уақытта жарақаттануды болдырмау мақсатында персоналды бақылау жүргізілетін қауіпті операциялардың тізімі анықталды. Бұл операциялар тәуекелдерді бағалау, операцияның қайталану жиілігі, сондай-ақ басшылық тарапынан белгіленген бақылау деңгейі негізінде таңдап алынды. Бұдан әрі, алынған нәтижелерге байланысты процесті техникалық жаңғырту, операция жүргізу регламентін өзгерту, қосымша бақылау белгілеу туралы шаралар қабылданатын болады. Сондай-ақ пилоттық жоба аясында "KazSystem Ltd" компаниясымен бірлесіп, жұмыс орындарында еңбек қауіпсіздігі және еңбекті қорғау бойынша ауытқулар талдауымен "ақылды" бейнебақылау камералары енгізілуде. Жасанды интеллект және сандық шешімдер өнеркәсіптік қауіпсіздік саласында өзінің тиімділігін дәлелдеді. Қазіргі уақытта "Қазақмыс Холдинг" ЖШС бойынша мемлекеттік органдар анықтаған бұзушылықтар, сондай-ақ өндірістік және ішкі бақылаумен анықталған бұзушылықтар бойынша есепке алу және талдау автоматтандырылды. Осылайша, бейнебақылау жобасын енгізу-сандық технологияларды белсенді пайдалануға тағы бір қадам. Қызметкерлердің тұрмыстары да назардан тыс қалмайды. Ол жұмыстарды орындау процесінде қызметкерлердің шоғырлануына, еңбекті қорғау және өнеркәсіптік қауіпсіздік талаптарын сақтауға айтарлықтай әсер етеді. Осыған байланысты біз өзін кәсіби маман ретінде көрсеткен қызметкерлерді көтермелеуге тырысамыз – қызметкерлер жыл сайын "сенімділік", "құзыреттілік" және "адалдық" үш номинация бойынша сыйақы алады, оларға спорттық-сауықтыру кешендеріне абонементтер беріледі, ал тәуекел тобының қызметкерлеріне санаториялық-профилактикалық кешендердегі емдері  төленеді. Кәсіподақ ұйымдарымен және жастар одағымен бірге көптеген конкурстар өткізіледі - мысалы, Дүниежүзілік еңбекті қорғау күніне арналған жыл сайынғы конкурстарды атап өтуге болады. Ұжымның мәдени өмірі де назардан тыс қалмайды: "Қазақмыс Смэлтинг" қызметкерлері арасынан театрда "Тело-о-хранители", "Жаңа... жылыңызбен!"және" Жаңбыр вальсі" атты үш қойылым қойылды. Біз мұндай шешімдер кешені ұжымды біріктіруге, қызметкерлердің компания қағидаттарына қатыстылығы мен бейімділігін арттыруға мүмкіндік беретініне сенімдіміз, осылайша жарақаттануды төмендетуді және ұзақ мерзімді перспективада жоғары қауіпсіздік мәдениетін қалыптастыруды қамтамасыз етеді