Сапа саласындағы саясат
«Қазақмыс корпорациясы» ЖШС-ның Сапаны басқару дирекциясы (әрі қарай — СБД) Сапаны басқару дирекциясы туралы ережесіне сәйкес өз қызметі шеңберінде ISO 9001:2015 халықаралық стандартының талаптарына сай сапа менеджменті жүйесінің (әрі қарай — СМЖ) тиімді жұмыс істеуін, қолдап отыруын және оны үздіксіз жетілдіруді қамтамасыз етеді.
СБД-ның СМЖ қызмет саласы тау-кен байыту және металлургия өндірістерінің шикізаты мен оны өңдеу өнімдерінің сапасын кешенді бақылау жүйесін, сондай-ақ метрологиялық параметрлердің талаптарына сәйкес келетін өлшеу құралдарын қолдана отырып, технологиялық процестердің сапасын қамтамасыз етуге бағытталған.
Осы Сапа саласындағы саясат (әрі қарай — Саясат) «Қазақмыс корпорациясы» ЖШС-ның стратегиялық даму бағытын қолдайды, СБД-ның мақсаты мен қызмет ету ортасына сәйкес келеді және сапа саласындағы мақсаттарды айқындауға негіз болады.
Негізгі қағидалар
- Тұтынушыға бағдарлану: барлық мүдделі тараптар үшін бақылау, өлшеу және есепке алу нәтижелерінің дұрыстығын, объективтілігін және уақытылығын қамтамасыз ету.
- Процестік тәсіл: өзара байланысты процестерді бірыңғай жүйе ретінде басқару.
- Жетілдіру: СМЖ және СБД қызметінің барлық бағыттарын үздіксіз жетілдіру.
- Дәлелдемелер негізінде шешім қабылдау: аудиттер, өлшемдер және сенімді бақылау деректерін талдау.
Жауапкершілік және міндеттемелер
- СБД-ның басшылығы СМЖ-ның нәтижелілігіне, қолданылатын талаптардың орындалуына, осы Саясаттың қызметкерлерге жеткізілуіне және оның орындалуына қажетті жағдайлардың жасалуына жауапкершілік алады.
- СБД-ның қызметкерлері осы Саясаттың талаптарын сақтауға, белгіленген талаптарды орындауға және процестерді жетілдіру бойынша ұсыныстар енгізуге міндетті.
- СБД-ның басшылығы СМЖ-ны үздіксіз жетілдіруге және осы Саясаттың өзектілігін, сондай-ақ мүдделі тараптардың өзгеріп отыратын талаптары мен күтулеріне сәйкестігін қамтамасыз ету мақсатында оны тұрақты түрде қайта қарауға міндеттенеді.
