Жезқазғанда ғалымның туған күні дәстүр бойынша атап өтілді: ақсақалдар, қоғам қайраткерлері, әкімдік өкілдері, «Қазақмыс» қызметкерлері, педагогтар мен оқушылар Ұлы зерттеушіге құрмет көрсету және оның мемориалына гүл шоқтарын қою үшін Қаныш Сәтбаев ескерткішінің жанына жиналды. Бұл шара халықты жақындастырып, жастарды бай тарихымызды, батырларымызды құрметтеуге үйретеді. Қаныш Имантайұлы Сәтбаев-Қазақ КСР Ғылым Академиясының негізін қалаушы және Тұңғыш Президенті. Оның бастамасы бойынша қазіргі Ұлытау облысының аумағында мыс, күміс және басқа да пайдалы қазбалардың кен орындары табылды.  «Қазақмыс» Қаныш Сәтбаевқа ерекше құрметпен қарайды. Өйткені, ғалымның ашқан жаңалығының арқасында Қазақстан мыс өндіру саласындағы алдыңғы қатарлы елдердің біріне айналып, бүгінде мыңдаған адам аты аңызға айналған академиктің ісін жалғастырып, тау-кен металлургия саласында табысты еңбек етуде.