Құрметті жерлестер! 9 мамыр – әрқайсымыз үшін ерекше сезім тудыратын қасиетті де қымбат мереке. Біз Ұлы Отан соғысында  ерлікпен шайқасқан, тылда еңбек еткен, соғыстан кейінгі жылдарда туған жерді  қалпына келтіргендердің ерлігін әрқашан қастерлейміз. Сіздердің ерліктеріңіз  ешқашан ұмытылмайды! Батырлықтарыңыз  бен  қайсарлықтарыңызды,  жанқиярлық ерліктеріңізді  жадымызда  мәңгі сақтаймыз! Сіздер  ерлік пен батырлықтың ерен  үлгісі болып, жаңа жеңістер мен жетістіктерге шабыттандырасыздар. Құрметті ардагерлер мен тыл еңбеккерлері!  Сіздерге және жақындарыңызға зор денсаулық, ұзақ ғұмыр, бақ-береке, бейбіт аспан және жақсылық  тілеймін! Құрметпен, Жәнібек Байғабелов, «Мэйкер» ЖШС Басқарма төрағасы.