Балқаштың экожүйесін жақсарту
17.10.2023
Акцияның басты мақсаты - Қазақстанның табиғи көрікті жері болып табылатын
Балқаш көлінің экожүйесін жақсарту. Балықтандыру мәселесі жергілікті фаунаны әртараптандырып қана
қоймай, сонымен қатар көлдің экологиялық жағдайына оң әсер етеді. Табиғи мекендеу ортасына балық питомнигінде өсірілген жарты жыл жасындағы
тұқы тұқымдасының 166 мың сазан шабақтары шығарылды. Олар Балқашқа Бұқтырма
уылдырық шашу-өсіру шаруашылығынан арнайы жабдықталған екі автокөлікпен
жеткізілді. Әр шабақтың салмағы 9-дан 100 грамға дейін болды. Бұған дейін
Металлургтер көлге 234 мың сазан шабақтарын жіберген болатын. Мамандар атап
өткендей, күзгі кезеңде су қоймаларын балықтандыру, шабақтардың әрі қарай жаңа
ортаға бейімделуін қамтамасыз етеді. Балықтандыру процесі Балқаш-Алакөл облысаралық балық шаруашылығы бассейндік
инспекциясы, «Балық шаруашылығы ҒӨО» ЖШС
Балқаш филиалы, «Kazakhmys Smelting (Қазақмыс Смэлтинг)» ЖШС және әкімдік
өкілдерінің қатаң бақылауында өтті. Экологиялық жағдайды жақсарту - Мемлекет Басшысы Қасым-Жомарт Тоқаев
белгілеген Қарағанды облысының сегіз басымдығының бірі. Президенттің
бастамаларын қолдай отырып, «Kazakhmys Smelting (Қазақмыс Смэлтинг)» ЖШС-гі, өз
кәсіпорындары орналасқан өңірлерде қоршаған орта мәселелерін шешуге үлкен көңіл
бөледі. Ләззат Смағұлова



