Жаңа қондырғы автоматты режимнің көмегімен жүктелген жобалардың ұңғымаларын бұрғылау бағдарламаларын қамтамасыз етеді. Қондырғы 2021 жылғы инвестициялық бағдарлама бойынша алынды. Жаңа Sandvik қондырғысы, алдыңғы құрылғылармен салыстырғанда бірқатар пайдалы артықшылықтарға ие: - қауіпсіздік - өнімділік - автоматтандырылған бұрғылау, - тәждерді ауыстыруға арналған дүкен, - желдеткішті бұрғылау үшін бұрыштар мен градустарды дұрыс орнату, - бұрғылау құралдарымен ұзақ мерзімге жұмыс істеу, - жабдықтың жұмсақ режимде жұмыс істеуі, - флеш-карта арқылы бұрғыланған желдеткіштердің мәліметтерін алу. Бұл қондырғы адамның қатысуынсыз да жұмыс істей алады. Оның толық жиынтығында оператор болмаған жағыдайда, бұрғылаудың қауіпті аймағы үшін көзделген автоматты жұмыс опциясы жабдықталған. Автоматты бұрғылау электронды бағдарламамен және адамның қатысуынсыз бұрғылау тәждерін ауыстырудың механикалық мүмкіндігімен қамтамасыз етіледі. Қондырғыда оператор жұмыс орнын тастап кеткен жағдайда жабдықтың өздігінен қозғалысын блоктау жүйесі бар. Кабинаның аэродинамикасына көп көңіл бөлінген, кондиционер және жылу жүйесі бар. Осы бұрғылау қондырғысын пайдалануға берудің пайдасы ұңғымаларды бұрғылау кезіндегі жұмыстардың қауіпсіздігін арттыруға, БЖЖ паспорттарының нақты параметрлерін сақтау есебінен бұрғылау-жару жұмыстарының сапасын жақсартуға, бұрғылау-жару жұмыстарының сапасы есебінен дизель көлігін тасу өнімділігін арттыруға мүмкіндік береді.