«Қазақмыс» компаниялар Тобының өндірістік алаңдарында Жезқазған, Балқаш, Қарағанды өңірлері мен Жамбыл облысының кәсіпорындарында еңбек ететін жұмыскерлерді біріктірген аумақтарды абаттандыру жұмыстары жалғасуда.

Осы аптада іс-шараларға 980-ге жуық қызметкер қатысты. Аумақтарды қоқыстан тазарту, өндірістік алаңдарды ретке келтіру, іргелес аумақтарды абаттандыру және нысандардың санитарлық жағдайын жақсарту бойынша жұмыстар жүргізілді. 

Осы аптада 26 тонна тұрмыстық және өндірістік қалдық жиналып, шығарылды. Сондай-ақ өндірістік аумақтарды тазарту, инфрақұрылым элементтерін сырлау және әктеу, жұмыс кеңістігі мен қоғамдық аймақтарды абаттандыру жұмыстары атқарылды.  

Компанияда өндірістік нысандарда тазалықты сақтау – өндіріс мәдениетінің, өнеркәсіптік қауіпсіздік пен қоршаған ортаға жауапкершілікпен қараудың ажырамас бөлігі екені атап өтілді. 

«Қазақмыс» Тобының кәсіпорындарында абаттандыру жұмыстары тұрақты түрде жалғасып, қолайлы еңбек жағдайын жасауға, өндіріс мәдениетін арттыруға және өндірістік инфрақұрылымның тиісті жағдайын сақтауға бағытталған.