«Қазақмыс корпорациясы» ЖШС (бұдан әрі – Корпорация) – мыс кенін өндіруді және байытуды жүзеге асыратын, жоғары өндірістік және ғылыми-техникалық әлеуетке ие, цифрлық трансформация стратегиясын іске асыратын Қазақстан Республикасының ірі тау-кен компанияларының  бірі.          Корпорацияның Энергетикалық саясатының мақсаттары: 1) инновациялық технологиялар мен жабдықтарды тиімді басқару және қолдану негізінде олардың қаржылық орындылығын ескере отырып, барлық өндірістік процестердің энергетикалық тиімділігін арттыру; 2) Корпорацияның дамуын қамтамасыз ету, сенімділік, қауіпсіздік және өнімділік деңгейін сақтау немесе арттыру кезінде энергия ресурстарының үлестік шығысының ең төменгі, техникалық және экономикалық негізделген деңгейіне қол жеткізу; 3) қоршаған ортаға теріс әсерді азайту.          Алға қойған мақсаттарына жету үшін Корпорация өзіне келесі міндеттерді қабылдайды: 1) Корпорация қызметіне қолданылатын энергетикалық тиімділікке, энергияны пайдалануға және тұтынуға қатысты барлық құқықтық және басқа талаптардың сақталуына кепілдік беру; 2) тәуекелдер мен мүмкіндіктерді ескере отырып, мақсаттар мен энергетикалық міндеттерді белгілеуді, талдауды және өзектендіруді жүзеге асыру; 3) энергетикалық сипаттамалары жақсартылған жабдықтарды, материалдар мен қызметтерді сатып алуды жүзеге асыру; 4) энергетикалық тиімділікті ескере отырып, жаңа өндірістерді жобалауды, жаңғыртуды және қайта құруды қамтамасыз ету; 5) Корпорация жұмыскерлерін ақпараттандыру және энергия үнемдеу мәдениетін тәрбиелеу арқылы олардың энергияны ұтымды және тиімді жұмсауға қызығушылығын арттыру; 6) энергия үнемдеу қызметінде әрбір жұмыскердің шығармашылық әлеуетін пайдалану үшін кәсіби құзыреттілікті үнемі дамыту;  7) мақсаттар мен энергетикалық міндеттерге қол жеткізу үшін ақпарат пен қажетті ресурстардың болуын қамтамасыз ету; 8) энергетикалық нәтижелерді және Энергетикалық менеджмент жүйесін үнемі жақсарту жөніндегі міндеттемелерді қамтиды. Энергетикалық саясат мақсаттар мен энергетикалық міндеттерді қалыптастыру үшін негіз болып табылады, Корпорацияның барлық кәсіпорындарының, сондай-ақ Корпорация мүддесінде қызметін жүзеге асыратын мердігерлік ұйымдардың қызметіне қолданылады.