03 Там 2023

Ең бастысы - қызметкерлердің қауіпсіздігі

Біздің компанияның басты басымдықтарының бірі - жұмысшылардың өмірі мен денсаулығының қауіпсіздігін қамтамасыз ету болып қала береді. Еңбек жағдайларын одан әрі жақсарту және өнеркәсіптік қауіпсіздікті қамтамасыз ету үшін «Қазақмыс» басшылығы «Kazakhmys Holding» ЖШС директорлар Кеңесі төрағасының бірінші орынбасары Андрей Гайдиннің төрағалығымен өнеркәсіптік қауіпсіздік комитетінің көшпелі отырыстарын өткізілуде.

Компания топ-менеджерлерінің кәсіпорын қызметкерлерімен іскерлік кездесулері тұрақты негізде өтеді, бұл қатысушыларға тәжірибе алмасуға, өндірістік алаңдарда өзекті мәселелерді шешуге мүмкіндік береді. Бұл жолы комитет өкілдері Жезқазған байыту фабрикасы мен №67 шахтаның қызметкерлерімен кездесті.

«Комитет ЖБФ шеберханалары мен жұмыс орындарына барды, №2 ұсақтау корпусының № 11 галереясы көрсетілді, онда «Жезқазғантүстімет» ӨБ құрылыс-монтаждау учаскесі өндірісті тоқтатпай терезелерді, фермаларды, арқалықтарды, шатырларды жөндеу - ауыстыру жүргізілуде. Сондай-ақ, 1950-1960 жылдары салынған №1,2 бас ғимараттың цехтарына да барды. Онда жабдық жаңа және заманауи жабдыққа, яғни, флотациялық машинаның процесін автоматты басқару жүйесі, гидратациялық қондырғының автоматты сорғысына ауыстырылды. Осының арқасында жұмысшылардың еңбегі жеңілдейді, адами фактор барынша азаяды», - деді «Қазақмыс корпорациясы» ЖШС ЖОФ директоры Мұрат Бөрібаев.

Отырыста өнеркәсіптік қауіпсіздік саласындағы 2023 жылдың екінші тоқсанының қорытындысы шығарылып, алдағы жоспарлар жарияланды. Мәселен, «Қазақмыс корпорациясы» ЖШС Басқарма Төрағасы Нұрахмет Нұриев жаңа жеке қорғаныс құралдарын сынақтан өткізуге бастамашы болды. Өз кезегінде «Kazakhmys Smelting (Қазақмыс Смэлтинг)» ЖШС Бас директоры Жәнібек Байғабелов СӨС және еңбек медицинасын дәріптеу саласындағы табысты жобалармен бөлісті.

Айта кетейік, «Қазақмыс» компаниялар тобының кәсіпорындарында өнеркәсіптік қауіпсіздік және еңбекті қорғау саласында 2022 жылға талдау жүргізе отырып, басшылық 2025 жылға дейін ӨҚ және ЕҚ дамытудың жаңартылған стратегиясын қалыптастырды. Оның басым бағыттары:

• жұмыс орындарында қауіпсіз еңбек ережелерін сақтау мәдениетін қалыптастыру;

• өндірістік процестерді автоматтандыру мен цифрландыруды, персоналды оқытуды қоса алғанда, қауіпсіздікті қамтамасыз етудің заманауи процестерін енгізу және қолдау;

• оқиғалардың алдын алатын кедергілерді енгізу;

• зиянды факторлар мен кәсіптік ауруларды азайту мақсатында еңбек медицинасын дамыту;

• мердігерлік ұйымдардың қауіпсіздік деңгейіне және олар орындайтын жұмыстарға қойылатын талаптарды арттыру.

ӨҚ және ЕҚ стратегиясының осы және басқа бағыттары компания қызметкерлерін өндірістегі жазатайым оқиғалардан қорғауға және еңбек жағдайларын жақсартуға арналған.

Image 2
Image 2
Image 2
Image 2
Image 2
Image 2
Image 2
Image 2
Image 2
Image 2
Image 2

Новости по теме

Новости по теме

05 Jul 2024

Қазақмыс басшылығы Жезқазғандағы геологиялық кластер құрылысымен танысты

03 Jul 2024

Қазақстандық ғалымдар ТМК үшін жаңа әзірлемелерін ұсынды

28 Jun 2024

Қарағанды құю-машина жасау зауыты ТМД халықаралық сыйлығын жеңіп алды

24 Jun 2024

АҚШ-тың Қазақстандағы елшісіне Жезқазған мыс балқыту зауытының жұмысы көрсетілді

20 Jun 2024

Қырғызстан Ұлттық қауіпсіздік мемлекеттік комитетінің Kazakhmys Holding топ-менеджері Владимир Жұманбаевқа шағымы жоқ

18 Jun 2024

Қазақмыс Премьер-Министрге Жамбыл облысындағы Шатыркөл байыту фабрикасын таныстырды