11 Жел 2023

Балқаш мыс зауытының металлургі «Жылдың жас жұмысшысы» атанды

Балқашта қала әкімінің жыл сайынғы «Өркен» жастар сыйлығының лауреаттарын марапаттау рәсімі өтті. Марапаттар шығармашылық, спорттық, қоғамдық және өндірістік қызмет салаларында жастар саясатын жүзеге асыруға елеулі үлес қосқан жастарға берілді.

Image 2

«Жылдың жас жұмысшысы» номинациясында «Kazakhmys Smelting» ЖШС БМЗ МЭЦ тотыяйын учаскесінің аппаратшы-гидрометаллургі Тілеубек Үмбетұлы жеңімпаз атанды.

Тілеубек Үмбетұлы 31 жаста. Ол Саяқ кеншілер ауылынан шыққан. Қарағанды ​​қаласының математикалық бейімділігі бар дарынды балаларға арналған N7 мектеп-гимназиясының түлегі. Сондай-ақ, ол Астанадағы «Инновациялық технологиялар» колледжін бітірген. «ЭКСПО - 2017» Халықаралық көрмесінің құрылысына белсене қатысқан жан.

Image 2

Ол 2017 жылдан бастап «Kazakhmys Smelting» ЖШС БМЗ мыс электролиздеу цехында жұмыс істейді. Тлеубек өзінің еңбек жолын су ерітінділерінің электролиздеушісі болып бастаған, ал 2019 жылы цехтың тотыяыйн бөлімінде аппаратшы-гидрометаллург болып жұмыс істей бастады. Қазір, Тілеубек Үмбетұлы, жоғары бесінші разрядқа ие болып, цехтағы тәжірибелі мамандардың бірі болып саналады. Ол үшінші жыл мыс тотыяыйн өндіретін біріктірілген бригаданың бригадирі. Оның жетекшілігінде 40 адам жұмыс істейді - олар аппаратшы-гидрометаллургтер, электролизшілер және лаборанттар.

«Біздің бригадамыз ұйымшыл және ұжымға кәсіби білікті мамандар жиналған. Мыс тотыяыйнын шығарамыз, ол кейін Қазақстанның түкпір-түкпіріндегі тұтынушыларға жеткізіледі», - дейді Тілеубек Үмбетұлы өз жұмысы туралы. – Жақсы аппаратшы болу үшін бірнеше жыл жұмыс істеу керек. Цехта жұмыс істеген осы алты жыл ішінде мен  аға-буын  әріптестерімнен көп нәрсені үйрендім. Маған өз мамандығымның қыр-сырын Асқар Шәріпов, Беделбай Имашев, Қасқабай Махабаев, Мәди Әбдуалиев сынды тәжірибелі мамандар үйретті. Мамандыққа үйрену тез өтті, өйткені ең бастысы өз міндеттеріңді орындау, қауіпсіздік шараларын сақтау, сонда бәрі ойдағыдай болады».

Image 2

Тілеубек Үмбетұлы жұбайымен екі қыз тәрбиелеп отыр. Аппаратшы- гидрометаллург бос уақытында кітап оқуды және спортпен шұғылдануды ұнатады. Қала әкімінің сыйлығына, Тілеубек Отан туралы, еңбек адамы туралы эссе ұсынды. «Жылдың жас жұмысшысы» номинациясы бойынша 10 сайыскердің арасынан Тлеубек комиссия мүшелерінің шешімімен, ең үздік деп танылды.

Тілеубек Үмбетұлы – үлгілі өндіріс жұмыскері, харизматикалық тұлға: ұзын бойлы, қайратты, көзінде ұшқыны бар, ашық - жарқын, үнемі күлімсіреп жүреді және өзіне сенімді жан.  Дәл осындай жастар, әр өндірістің мақтанышы және де болашақта, өндірісті өрге сүйрейтін мықты мамандар болары анық.

Ләззат Смағұлова

Image 2

Новости по теме

Новости по теме

05 Jul 2024

Қазақмыс басшылығы Жезқазғандағы геологиялық кластер құрылысымен танысты

03 Jul 2024

Қазақстандық ғалымдар ТМК үшін жаңа әзірлемелерін ұсынды

28 Jun 2024

Қарағанды құю-машина жасау зауыты ТМД халықаралық сыйлығын жеңіп алды

24 Jun 2024

АҚШ-тың Қазақстандағы елшісіне Жезқазған мыс балқыту зауытының жұмысы көрсетілді

20 Jun 2024

Қырғызстан Ұлттық қауіпсіздік мемлекеттік комитетінің Kazakhmys Holding топ-менеджері Владимир Жұманбаевқа шағымы жоқ

18 Jun 2024

Қазақмыс Премьер-Министрге Жамбыл облысындағы Шатыркөл байыту фабрикасын таныстырды