10 Қаң 2024

ӨНДІРІСТЕГІ ҚЫЛМЫСТЫҚ СХЕМАЛАР ТОҚТАТЫЛДЫ

Қаңтар айының басында «Западный» кенішіндегі №67 шахтада жүргізілген тексеру нәтижесінде «Kazakhmys Maintenance Service» ЖШС мен «Қазақмыс Корпорациясы» ЖШС Қауіпсіздік департаментінің өкілдері кәсіпорынның бірқатар қызметкерлерінің жеке баю мақсатын көздеп, алдын ала сөз байласу және тауарлық-материалдық құндылықтарды ұрлауға дайындықтың қылмыстық схемаларын әшкереледі.

Бүгінгі таңда №67 шахтада шахтаның жөндеу пункттерінде де, жұмыскерлердің жеке кабинеттерінде де жалпы сомасы 30 миллион теңгеден астам 101 дана мөлшерінде жасырын тауарлық-материалдық құнды заттар анықталып, тәркіленді. Анықталған бұл заттар тау-кен жабдықтарын уақтылы жөндеу жұмыстарын жүргізуге арналған, бірақ учаскелердің аумағынан активтерді әкету мақсатында өндіріске жалған есептен шығарылып, кәсіпорын аумағында жасырылған. Айта кету керек, қылмыстық әрекеттер кәсіпорынға экономикалық зиян келтірумен қатар, ең алдымен техниканың сенімділігі мен тау-кен жұмыстарының қауіпсіздігіне қатер төндіреді.

Осы оқиға негізінде өзге кеніштерде де тексеру жұмыстары жүргізілді. Жоғарыда аталып өткен схемалар Нұрқазған және Жомарт кеніштерінде де анықталды. Жалпы шығын көлемі 70 млн теңгеден асып отыр.

Тергеу жұмыстарын жалғастыру мақсатында Басқарма төрағасы Н.К. Нуриевтің жетекшілігімен арнайы комиссия құрылды. Сұхбат барысында Төраға құқық қорғау органдарына да тиісті жауап дайындалып жатқанын және осы оқиғаға кінәлілердің барлығы қолданыстағы заңнамаға сәйкес қатаң түрде жазаланатынын атап өтті.

Сондай-ақ, Қазақмыс кәсіпорындарында құқық бұзушылықтың алдын алу мақсатында 88000808089 сенім телефоны тәулік бойы жұмыс істейтінін еске саламыз, онда әрбір қызметкер ұрлық және/немесе өндірістегі әріптестерінің ұрлыққа мәжбүрлеу фактілері бойынша шағымдарды жібере алады.

Новости по теме

Новости по теме

05 Jul 2024

Қазақмыс басшылығы Жезқазғандағы геологиялық кластер құрылысымен танысты

03 Jul 2024

Қазақстандық ғалымдар ТМК үшін жаңа әзірлемелерін ұсынды

28 Jun 2024

Қарағанды құю-машина жасау зауыты ТМД халықаралық сыйлығын жеңіп алды

24 Jun 2024

АҚШ-тың Қазақстандағы елшісіне Жезқазған мыс балқыту зауытының жұмысы көрсетілді

20 Jun 2024

Қырғызстан Ұлттық қауіпсіздік мемлекеттік комитетінің Kazakhmys Holding топ-менеджері Владимир Жұманбаевқа шағымы жоқ

18 Jun 2024

Қазақмыс Премьер-Министрге Жамбыл облысындағы Шатыркөл байыту фабрикасын таныстырды