19 Қаз 2023

Еңбек және халықты әлеуметтік қорғау министрі Светлана Жақыпова «Қазақмыс» ұжымымен кездесті

Еңбек және халықты әлеуметтік қорғау министрі Светлана Жақыпова Жезқазғанға жұмыс сапары аясында «Қазақмыс корпорациясы» ЖШС қызметкерлерімен кездесті. Кездесу барысында 55 жастан бастап зиянды еңбек жағдайларында жұмыс істейтіндерге жаңа арнайы әлеуметтік төлемді енгізуге қатысты мемлекет Басшысының тапсырмасын іске асыру бойынша еңбекті қорғау мәселелері мен пысықталатын тәсілдер талқыланды.

Жұмыс жиналысына Еңбек және халықты әлеуметтік қорғау министрі Светлана Жақыпова, «Қазақмыс корпорациясы» ЖШС Басқарма Төрағасы Нұрахмет Нұриев және Ұлытау облысы әкімінің орынбасары Ұлантай Үсенов қатысты.

«Қазақмыс» жұмыс ұжымымен кездесу барысында Светлана Жақыпова ҚР Еңбек және халықты әлеуметтік қорғау министрлігі жаңа әлеуметтік төлем тағайындаудың негізгі қағидаттары, 55 жасқа толу және қызметкерлер үшін міндетті кәсіптік зейнетақы жарналарын бірыңғай жинақтаушы зейнетақы қорына кемінде 7 жыл аудару қағидаты белгілегенін айтты. Қазіргі уақытта ҚР Қаржы нарығын реттеу және дамыту агенттігі өмірді сақтандыру компанияларымен бірлесіп қажетті есептеулер жүргізуде.

Сондай-ақ, министр Қарағандыдағы Еңбек гигиенасы және кәсіптік аурулар ұлттық орталығына жұмыс сапарының нәтижелері туралы хабарлады. Мекемені тексергеннен кейін Светлана Жақыпова Денсаулық сақтау министрі деңгейінде орталықтың жай-күйі мәселесін көтерді. Бұл мәселе Парламентте де айтылды. Қазір институттың инфрақұрылымы мен оның жабдықтарын сәйкестендіру үшін қаражат бөлу туралы шешім қабылданды.

Өз кезегінде, «Қазақмыс» компаниялар тобы өз қызметкерлерінің өмір сүру сапасын жақсартуға бағытталған бірқатар әлеуметтік бағдарламаларды іске асыруда. Мәселен, жұмыс істемейтін мүгедектерге және мүгедектік тобынсыз, денсаулығына келтірілген зиянды өтеу жөніндегі төлемдерді алушылар болып табылатын еңбек мертігуі және/немесе кәсіптік ауруы бойынша кәсіптік еңбекке қабілеттілігінен тұрақты айырылу белгіленген адамдарға, сондай-ақ еңбек қызметіне байланысты жазатайым оқиғалардың салдарынан асыраушысынан айрылу жағдайлары бойынша төлемдерді алатын адамдарға  36 018 теңге мөлшерінде ай сайынғы материалдық көмек көрсетіледі. Сондай-ақ, компания мүгедектігі бар адамдарға, кәсіптік еңбекке қабілеттілігінен айырылған адамдарға, оларға қатысты зиянды өтеу бойынша төлемдер зейнеткерлік жасқа толғаннан кейін тоқтатылған адамдарға және өндірісте қаза тапқандардың отбасыларына атаулы әлеуметтік көмек көрсету бағдарламаларын іске асырады.

«Қазақмыс корпорациясы» ЖШС ұжымымен кездесуден кейін Еңбек және халықты әлеуметтік қорғау министрлігінің басшысы кәсіпорынның қызметімен және қызметкерлердің еңбек жағдайымен танысты. Сондай-ақ министр Светлана Жақыпова мен «Қазақмыс корпорациясы» ЖШС Басқарма Төрағасы Нұрахмет Нұриев «Қолғанат Ұлытау» ҚҚ тігін цехына барды.

Image 2
Image 2
Image 2
Image 2

Новости по теме

Все новости

Новости по теме

Все новости

20 Mar 2025

Қазақмыс қауіпсіздік шараларын кешенді тексеру үшін өндірістік нысандардың жұмысын кезең-кезеңімен тоқтатады

19 Mar 2025

«Қазақмыс» компаниялар Тобы қауіп төнуі ықтимал телімдерде өндіруді уақытша тоқтатады және барлық жерде қауіпсіздік шараларын күшейтеді.

19 Mar 2025

Қазақмыс өндірісте жазатайым оқиға орын алғаны туралы өкінішпен хабарлайды

12 Mar 2025

Балқашта жаңа клиника: Қазақмыс қызметкерлері үшін сапалы медицинаға жасалған қадам

12 Mar 2025

Жорамалға қарсы фактілер: Қазақмыстың ресми ұстанымы

06 Mar 2025

Жезқазғанда қуаты 75 МВт бу-газ қондырғысының құрылысы басталды

Қате туралы хабарлау
Creators Production House

«Creators Production House»
студиясында әзірленген

© 1992–2024 «Қазақмыс» корпорациясы» ЖШС

Туған күндер
Еңбек қорғау
және қауіпсіздік