18 Мам 2023

№ 1 Ванюков пеш кешенінде - күрделі жөндеу

2023 жылдың мамыр айының 2-ші жұлдызынан «Kazakhmys Smelting» ЖШС Балқаш мыс балқыту зауытының мыс балқыту цехының балқыту учаскесінің №1 Ванюков пеші күрделі жөндеуге тоқтатылды.

Аталмыш бұл күрделі жөндеу жұмыстары  жоспарлы және  пештің жұмысын қалпына келтіру үшін жүргізілуде.

Жобаның жоғары күрделілігіне, сондай-ақ құрылыс-монтаждау жұмыстарының орасан зор көлеміне байланысты, күрделі жөндеу БМЗ директоры Ербол Айбековтың, бас инженер Бексұлтан Қасымбековтің және МБЦ бастығы Байтас Сүлейменовтың тәулік бойы бақылауымен жүргізілуде.

«Негізгі күрделі жөндеу 30 күн ішінде жүргізіледі, тағы 5 күн ішінде біз №1 Ванюков пешін іске қосу алдында оны қыздырамыз. Жұмыстың негізгі көлемі қалдықтарды өңдеу  қазандығын, газ құбырын, тиеу жолын толығымен ауыстыру, су салқындатқыш элементтердің көп бөлігін жаңарту және агрегаттың отқа төзімді қалауын ауыстыру болып табылады. Мұның бәрін өте қысқа мерзімде, №1 Ванюков пешінің қондырғысын тоқтату кезінде жасау керек. Тиісінше, мұнда жөндеу жұмыстарын жоспарлау және күрделі жөндеу кезіндегі олқылықтарды есепке алу мақсатында БМЗ барлық инженерлік-техникалық қызметкерлерінің жоғары кәсіптілігі талап етіледі», - дейді Байтас Сүлейменов.

Жөндеу жұмыстары «Қазақмыс Мейкер» ЖШС-нің түрлі құрылымдық бөлімшелері мен өзге мердігерлік ұйымдардың күшімен жүргізілуде. №1 Ванюков пешінің агрегатына күрделі жөндеу жүргізу үшін жобалау-сметалық құжаттаманы «Қазақмыс Смэлтинг» ЖШС жобалау орталығының мамандары  әзірледі.

Қазіргі уақытта, бұл аталмыш күрделі жұмыстарды жүргізуге арналған барлық жабдықтар мен материалдар сатып алынды, құрылыс-монтаждау жұмыстары жүргізілуде.

Күрделі жөндеу жұмыстарын ағымдағы жылдың маусым айының басында аяқтау және  № 1 Ванюков пешін жұмыс режиміне қосу жоспарланып отыр.

 Ләззат Смағұлова.

Новости по теме

Все новости

Новости по теме

Все новости

23 May 2025

Қазақмыс әлеуметтік тұрақтылықты арттыруда: адамдар, өңірлер және саланың болашағы инвестициялануда

23 May 2025

Басқарма төрағасының орынбасары жұмысшы ұжымдармен кездесу өткізді

21 May 2025

«Қазақмыс» пен ҚР Үстел теннисі федерациясы өңірлерде спортты дамыту үшін күш біріктіреді

16 May 2025

ҚР Еңбек министрі «Қазақмыс» нысандарындағы еңбек жағдайын жақсарту шараларымен танысты

30 Apr 2025

Қазақмыс Балқаш көлін сақтау қорын іске қосады

29 Apr 2025

«JasSkills Kazakhmys 2025» чемпионатының 6 қатысушысы білім грантын иеленді

Қате туралы хабарлау
Creators Production House

«Creators Production House»
студиясында әзірленген

© 1992–2024 «Қазақмыс» корпорациясы» ЖШС

Туған күндер
Еңбек қорғау
және қауіпсіздік