17 Мау 2023

«Қазақмыс» Балқаш ЖЭО жөндеуге жұмсаған шығындары бойынша жағдайды түсіндірді

Әлеуметтік желілерде таратылған «Kazakhmys Energy» ЖШС (Қазақмыс Энерджи) Балқаш ЖЭО жөндеуге бағытталған 677 миллион теңге қолды болды деген ақпарат шындыққа жанаспайды.

«Балқашжылу» ЖШС мен Балқаш ЖЭО арасындағы өзара қарым-қатынас жылу энергиясын сатып алу бөлігінде келісім шарттық қатынастарға негізделеді. Сонымен қатар, «Балқашжылу» ЖШС Балқаш ЖЭО алдында 1.8 млрд теңгеден астам берешегі бар.

Балқаш ЖЭО-ның бүкіл жөндеу науқаны тарифтік сметаға енгізілген қаражат есебінен, сондай-ақ акционер – «Қазақмыс Холдинг» ЖШС (Қазақмыс Холдингі) қаражаты есебінен қаржыландырылады. Осылайша, қолды болды делінген 677 миллион теңгенің БЖЭО жөндеу бағдарламасына еш қатысы жоқ, жарияланған фактілер шындыққа жанаспайды .

Алдағы уақытта уәкілетті органдардан тексерілмеген ақпаратты жарияламауды сұраймыз.