20 Нау 2023

Қазақмыста Наурыз мейрамының құрметіне арналған Спартакиада басталды

Бүгін Сәтбаев қаласының «БЖСМ» спорттық-сауықтыру кешенінде «Наурыз мейрамына» орайластырылған «Қазақмыс» компаниялар тобының спартакиадасының салтанатты ашылуы өтті.

Спорттық іс-шараға барлық өңірлердің қызметкерлері арасынан құрама командалар қатысуда.

Жарыс екі күн бойы Сәтбаев пен Жезқазған қаласының түрлі спорт алаңдарында өткізіледі. 300-ден астам адамнан тұратын Топтың 11 құрама командасы шағын футбол, волейбол, үстел теннисі және қазақша күрес сияқты спорт түрлерінен жарысады. Спорт мерекесі 21 наурызда, «Наурыз мейрамының» бірінші күні жеңімпаздарды марапаттау рәсімімен аяқталады.

- Спартакиада әрбір жеке қатысушыға ортақ мақсат үшін жұмыс істейтін біртұтас команданың бір бөлігі ретінде сезінуге мүмкіндік береді. Бұл тек спорт алаңында ғана емес, сонымен қатар ең күрделі өндірістік міндеттерді шешуге көмектесетін бірегей тәжірибе, - деді «Қазақмыс корпорациясы» ЖШС Басқарма Төрағасы Нұрахмет Нұриев спортшыларға жолдаған сөзінде.

Спартакиада қатысушыларын «Жезқазғанцветмет» ӨБ филиалының бас директоры Бауыржан Баймұханов та қарсы алды. Ол спартакиадада кімге жүлделі орын берілсе де, корпоративтік бірлік пен нағыз командалық рух жеңетінін атап өтті.

«Maker» ЖШС Басқарма төрағасы – «Kazakhmys Smelting» ЖШС Бас директоры Жәнібек Байғабелов спортшыларды жарыстың басталуымен құттықтап, қатысушыларға жақсы көңіл-күй мен жарқын жеңіс тіледі.

Спартакиада «Қазақмыс» компаниялар тобындағы маңызды корпоративтік оқиға болып табылады. Ол біздің қызметкерлеріміздің салауатты және белсенді өмір салтына деген ұстанымын көрсете отырып, корпоративтік мәдениетті нығайтудың, географиясы мен қызмет түріне қарамастан кәсіпорын қызметкерлері арасында тұлғааралық қарым-қатынас орнатудың тиімді құралы ретінде қызмет етеді.