11 Сәу 2023
ҚАЗАҚМЫС - БІЛІМ САПАСЫ ҮШІН
9-11 сәуір аралығында Балқаш қаласында «орта білім беру сапасы: өлшеу, талдау, басқару» орта білім беру сапасы мәселелеріне арналған ғылыми –тәжірибелік конференция өтті. Бұл шараны «the Ulytau Educational Foundation» қайырымдылық қоры мен Ыбырай Алтынсарин атындағы ұлттық білім академиясы ұйымдастырды.
Конференцияға Қазақмыстың бірінші басшылары, Ұлттық академия мен Қор мамандары, Қазақстан Республикасының ең табысты білім беру мекемелері мен мамандандырылған орталықтарының педагогтары мен әдіскерлері, білім беру басқармалары мен бөлімдерінің басшылары, білім беру саласында жұмыс істейтін Канададан келген мамандар, сондай-ақ Ұлытау ауданы, Сәтбаев, Жезқазған, Балқаш қалаларындағы барлық мектептердің директорлары, меңгерушілері мен мұғалімдері қатысты.
«Қазақмыс» корпорациясы әрдайым өзінің қатысатын өңірлерінде - Жезқазған, Балқаш, Сәтбаев қалаларында және Ұлытау ауданында мектептегі білім беру проблемаларына назар аударып келеді. 2021 жылдың қыркүйегінде компанияның қолдауымен «Ustaz Ulytau» жаңа білім беру жобасы басталды, оны іске асыру «the Ulytau Educational Foundation» қоғамдық қайырымдылық қорына сеніп тапсырылды. Оның жұмысы эксклюзивтілік қағидаттарына және барлық топтардың біліміне тең қол жеткізуге негізделген. Қор дарынды жастарға арналған стипендиялық бағдарламаларды іске асырады, тренингтер мен шеберлік сыныптарын өткізеді, сондай-ақ Батыс оқу орындарына жеңілдікті шарттармен түсуге мүмкіндік береді. Ал «Ustaz Ulytau» жобасының мәні-өңір педагогтеріне әдістемелік, шығармашылық, эмоционалды, сондай-ақ ақпараттық көмек көрсету. Мұның бәрі мұғалімдердің жаңа құзыреттіліктері мен дағдыларын дамытуға, оқыту сапасын арттыруға арналған, бұл түлектердің сапасына әсер етеді.
Конференция өтетін орынды таңдау да кездейсоқ болған жоқ. 2022 жылы «The Ulytau Educational Foundation» қайырымдылық қорының бастамасымен «Қазақмыс» корпорациясы» ЖШС қаржыландыратын «Ustas Ulytay» жобасы аясында Балқаш қаласында arqa тәуелсіз аккредиттеу агенттігі бірінші мемлекеттік мектепті, Ә Ермекова атындағы мектеп-лицейді аккредиттеуден өткізді. Осы рәсімге дайындық кезінде мектепте жалпы сомасы 316 млн теңгеге күрделі жөндеу жүргізілді, мектеп сапалы білім беру қызметтерін көрсетудің және қауіпсіздік нормаларын сақтаудың соңғы талаптары бойынша жабдықталды, педагогикалық құрамның біліктілігін арттыру бойынша іс-шаралар жүргізілді.
Бірінші күні қонақтар үшін оқушылар сарайы бойынша экскурсия өткізілді, онда педагогтар жас балқаштықтар айналысатын түрлі үйірмелермен танысты. Конференция екі алаңда өтті: Ағыбай батыр атындағы оқушылар сарайында және Әлімхан Ермеков атындағы мектеп-лицейде өтті.
Конференцияның екінші күні ең қарқынды және мазмұнды болды.
Конференцияның барлық қатысушыларына «the ULYTAU Educational Foundation» қорының директоры Марина Хан, Балқаш қаласының әкімі Қайрат Қамзин, «the Ulytau Educational Foundation» қамқоршылық кеңесінің төрағасы, Алматы қаласы жекеменшік мектептерінің құрылтайшысы Леонид Ким, педагогика ғылымдарының докторы, профессор Жаумбай Караев, «Қазақмыс» корпорациясы ЖШС даму жөніндегі директоры Бақтияр Қырықпышев құттықтау сөз сөйледі. Білім беру саласындағы жұмыс тәжірибесі туралы Канададан келген қонақтар да сөз етті, білім беру сапасы туралы басқа да құрметті қонақтар баяндама жасады.
Түстен кейін барлық қатысушылар Ә. Ермеков атындағы мектеп-лицейіне барды, онда экскурсия және пленарлық отырыстар өткізілді.
Бұл мектепке сол күні құрметті қонақ ретінде «Қазақмыс» корпорациясы» ЖШС Басқарма төрағасы Нұрахмет Нұриев келіп, күрделі жөндеу жұмыстарымен және түрлі үйірмелермен айналысатын оқушылардың жұмысымен танысты.
Шақырылған мамандар сөз сөйлеген пленарлық отырыстан басқа, конференция аясында үш панельдік пікірталас өткізілді, онда өңірдің практик педагогтары әріптестерімен орта білім берудің өзекті аспектілерін егжей-тегжейлі талқылады және оларды қызықтырған мәселелер бойынша өз пікірлерін білдірді.
Ұйымдастырушылар атап өткендей, конференция материалдары негізінде білім сапасының әртүрлі аспектілері бойынша мақалалар жинағы жарық көрді, оның авторлары конференцияға қатысушылардың өздері болды.
Үшінші күн қорытынды және ең жағымды болды, онда осы ауқымды педагогикалық форумның қатысушылары қорытындылап, қарар қабылдады. Сонымен қатар, екі өңірдің мектеп директорлары мен құрметті қонақтар «the ULYTAU Educational Foundation» алғыс хаттарымен және естелік сыйлықтармен марапатталды. Ғылыми-практикалық конференция үш тілде – қазақ, орыс және ағылшын тілдерінде өткізілді.
Ләззат Смағұлова
