01 Мау 2022

ҚАЗАҚМЫСТАН – ҚОНЫС ТОЙЫ: ЕРЕКШЕ ЖАҒДАЙДА БАЛА ТӘРБИЕЛЕП ОТЫРҒАН 35 ОТБАСЫ БАСПАНАЛЫ БОЛДЫ

Әлеуметтік жауапкершілік Қызметкерлерді қолдау

Халықаралық балаларды қорғау күнінде «Қазақмыс» компаниялар тобының басшылығы ерекше қажеттіліктері бар балаларды тәрбиелеп отырған отбасыларға пәтерлердің кілттерін табыстады. Сондай-ақ, ата-аналары өндірісте опат болған балалар ыстық ықыласқа бөленіп, сыйлықтарға ие болды.

Image 2

Компанияның Қарағанды, Балқаш, Жезқазған және Сәтбаев қалаларындағы қызметкерлері  пәтерлердің  иегерлері атанды. Бұл жолы комиссиялық шешіммен іріктелген 35 мұқтаж отбасы 2, 3 және 4 бөлмелі пәтерлерге қол жеткізді. Олардың ішінде екі немесе одан да көп ерекше балалары бар үш отбасы, көп балалы отбасылар және аналары балаларды жалғыз тәрбиелеп отырған жеті толық емес отбасы бар.

– Бірінші кезекте Компания басшылығының атынан балаларды осы тамаша мереке – Халықаралық балаларды қорғау күнімен құттықтауға рұқсат етіңіздер! Бүгін біз мүмкіндігі шектеулі балаларды тәрбиелеп отырған «Қазақмыс» Тобы компанияларының қызметкерлеріне пәтер кілттерін табыстауға  жиналып отырмыз. Ерекше қажеттіліктері бар балаларға өмір сүру үшін қолайлы жағдайлар қажет екенін ескере отырып, компания басшылығы ағымдағы жылдың басында шешім қабылдап, тұрмыстық техникамен және жиһазбен жабдықталған 35 пәтер сатып алуға 1 млрд.теңге бөлді.

Image 2

Басқа отбасылар да көмекке мұқтаж екенін назарға ала отырып, басшылық ағымдағы жылдың соңына дейін тағы 50 отбасын тұрғын үймен қамтамасыз ету туралы шешім қабылдады,  –  деп атап өтті «Қазақмыс Корпорациясы»  ЖШС Басқарма төрағасының бірінші орынбасары Андрей Гайдин салтанатты рәсімде.

Әлеуметтік бағдарланған компания бола отырып, «Қазақмыс» қызметкерлердің әлеуметтік осал санаттарына, оның ішінде көп балалы және аз қамтылған отбасыларға, мүгедек балаларды тәрбиелеп отырған қызметкерлерге белсенді көмек көрсетеді.

Image 2

Тұрғын үймен қамтамасыз ету бағдарламасына сәйкес 2019-2022 жылдар  аралығында «Қазақмыс»  Тобы компанияларының қызметкерлерінің көп балалы отбасылары орналасқан қалалардағы 4 бөлмелі жайлы пәтерлер 186 қызметкерге өтеусіз берілді. Осы кезеңде 900-ден астам бала баспанаға ие болды.

2020 жылдан бастап «Қазақмыс» компаниясында табысы аз қызметкерлерге атаулы әлеуметтік көмек көрсетіледі. Көмек негізгі азық-түлік себетін сатып алуға 75 000 теңге мөлшерінде тоқсан сайынғы қаржылық қолдаудан, сондай-ақ , жаңа оқу жылына балаларды жинау үшін «Білім күніне»  56 500 теңге мөлшерінде біржолғы көмектен тұрады. Көмек алушылар саны шамамен 1 100 қызметкерді құрайды.

Image 2

Сонымен қатар, 2020 жылдың 1 маусымында Жезқазған медициналық орталығының базасында «Балаларды оңалту орталығы»  ашылды, онда «Қазақмыс» жұмысшыларының ғана емес, сонымен қатар,  өзге де мүмкіндігі шектеулі балалары компания есебінен оңалту курстарынан өтеді. Осы кезеңде 390-нан астам бала оңалтудан өтті. 2021 жылы Қарағанды қаласында Балаларды қорғау күніне орайластырылған Даун синдромы бар балаларға арналған «Солнечные дети» орталығы ашылды және бүгінгі күні ол табысты жұмыс істеуде.

–  «Балаларды қорғау күні»  мерекесімен бүлдіршіндерді құттықтап, мықты денсаулық, бақытты балалық шақ және бейбіт аспан тілеймін!  – деген Андрей Гайдин пәтер кілттерін кілттерін табыс етті.

Image 2

4 бөлмелі пәтердің бақытты иелерінің бірі  «Қазақмыс Корпорациясы»  ЖШС Қарағанды шахтақұрылыс басқармасының үңгілеушісі Азамат Бахайдың отбасы болды.  Ол көптен бері  тұрғын үйге қол жеткізе алмай келді. Отбасында бес бала тәрбиеленуде, олардың біреуінің  ерекше қажеттіліктері бар.

– Шынымды айтсам, бізге пәтер беріледі деп күткен жоқпыз. Бізге қоңырау шалып, бұл жаңалықты хабарлағаннан кейін мен түні бойы ұйықтамадым. Бұрын біз пәтер жалдап, жалдамалы пәтерлерді жиі ауыстыратынбыз, ал балалар мектепті ауыстыратын.  Бұл жағдайлар бізге  өте қиын болды. Енді біз балаларға мектеп пен секцияларды анықтап алуымыз керек,  –  дейді Азаматтың жұбайы.

Image 2

«Қазақмыс» еңбеккерлері компания басшылығына армандарын орындағаны, үнемі қаржылық және басқа да қолдаулары үшін жылы лебіздерін білдірді.

Айта кету керек, бүгін Балқаш және Жезқазған қалаларында «ҚазақмысСмэлтинг»  ЖШС ұйымдастырған анимациялық шоу, музыкалық бағдарламалармен мерекелік концерттер өтті.  Сондай-ақ, Жезқазған қаласы әкімдігімен бірлесіп 160 балаға тәтті жиынтықтар таратылды.

Құрметпен,

«Қазақмыс Холдинг»  ЖШС баспасөз қызметі.

Новости по теме

Новости по теме

05 Jul 2022

"Ustaz Ulytau" жобасы алғашқы қорытындысын шығарды

01 Jul 2022

Ақ жол, түлектер!

29 Jun 2022

ЖЕЗҚАЗҒАН АЛАҢЫНДАҒЫ ЭЛЕКТРМЕН ЖАБДЫҚТАУДЫҢ ІРКІЛІСТЕРІ ТУРАЛЫ

28 Jun 2022

БАҚ қызметкерлері Сіздерді кәсіби мерекелеріңізбен құттықтаймыз!

23 Jun 2022

Қазақымыспен қызықты жаз